Patisserie Mon cher (已結業)

今日係中環放工之後，同朋友去咗擺花街一間餐廳食下午茶。之前偶然經過個時發現這間蛋糕店，裝潢華麗，好想試下。一入到去成個感覺好Grand，好多裝飾都係金光閃閃。座位比較少，只有三個位係吧枱。每個位都有一個托盤，超級靚。枱上仲有一啲花同海報做裝飾。餐廳仲好細心預備埋紙巾比客人添。我就叫左兩件蛋糕，原味堂島卷同埋草莓慕絲。原味堂島卷嘅賣相非常整潔。Cream係100%黎自北海道，超級軟滑，有著濃濃香純的奶油香，甜而不膩，好滋味。至於蛋糕部份就好鬆軟，淡淡嘅甜度，非常好食，一個女生都食得曬。草莓慕絲係用心形嘅器皿，非常有心思，俘虜左我嘅少女心！慕絲質地幼滑，慕絲上面有三粒藍莓，紅莓同埋士多啤梨，放上酸甜可口嘅水果，令慕絲清甜而不膩。兩件蛋糕大小適中，好啱食下午茶，唔會太飽。呢度嘅裝潢同埋食物設計都好有心思，超岩充滿住少女心嘅女生黎打卡。餐廳裝潢設計華麗，食物嘅價錢都非常合理，可以約埋朋友一齊試試，影靚相打下卡！