牛大人台灣火鍋吃到飽 (偉華中心)

營業中

休息中

牛大人真係食極都唔厭🤗湯底要左鴛鴦鍋麻辣配料煲起黎勁香且越食越辣！用黎烚台灣鴨血真係冇得輸！阿嬤養生濃湯幾清甜！食肉獸黎到真係可以食到夠皮！我地當然主力食牛及期間限定既北海道十勝豚豬！我最鐘意食牛味濃郁澳洲和牛M5牛肩卷及食落好嫩滑既安格斯牛板腱！十勝豚豬肉估唔到一啲都唔靭！仲有附送既爆汁牛丸超正！除咗牛肉..豬肉..自取區仲有萵筍淮山及各式丸類菜類任您選擇！另外有不少台灣直送餃子、小食應有盡有！當然唔少得各款味道清香自家製無糖冷泡茶 和台灣飲品。喜歡飲酒嘅朋友，可以試埋台灣直送手工啤，飲落有清香柚皮味而且啤酒味唔會勁濃，女仔都適合飲呀！