影片
更多
2020-11-22
688 瀏覽
其實一早已經畢咗業，不過IG見到其他中大同學介紹呢間新店，睇落好吸引又好文青，佢嘅營業時間係星期一至六，所以就同朋友決定星期六返去食個靚lunch！💛因為好耐冇返過去，平時又少去研究生宿舍嗰邊，都研究咗一陣先至決定搭3號巴士。其實舖頭位置於新研究生宿舍三座及四座嗰邊，落咗車行少少樓梯落去左手邊就係！入到去覺得好驚喜，因為係中大少見嘅文青裝修，佔地真係好大，好似有5000呎！最特別係有一個靠窗嘅位置，要除鞋先可以入去但係可以對住個窗食嘢感覺好好，出面就係一片山林，感覺好舒服🌳🍃心思思乜嘢都想試，最後都係嗌左「醬油太陽蛋雞扒定食套餐」($56)，仲加咗一個「黑糖奶蓋炭焙烏龍」($17)🍹最鍾意個飯係醬油另上，可以自己控制落幾多，細心加分✨小食方面我揀咗麻辣青瓜同埋花枝丸，朋友就揀咗滷水雞翼同埋麻辣皮蛋。覺得個青瓜好酸，應該落咗好多黑醋，但係唔太麻辣，朋友個皮蛋就辣啲。覺得花枝丸唔算好特別，但個滷水雞翼就好出色，甜甜地得黎又唔係普通嘅滷水味道，好有驚喜！定食套餐都會送迷你茶碗蒸，就係蒸蛋上面有啲台式滷肉飯嘅汁。呢個蒸蛋都好好食，蛋好滑，醬好食😋台式飲品如果跟餐加配嘅話，就可以減$5。「黑糖奶
因為好耐冇返過去，平時又少去研究生宿舍嗰邊，都研究咗一陣先至決定搭3號巴士。
其實舖頭位置於新研究生宿舍三座及四座嗰邊，落咗車行少少樓梯落去左手邊就係！
入到去覺得好驚喜，因為係中大少見嘅文青裝修，佔地真係好大，好似有5000呎！
最特別係有一個靠窗嘅位置，要除鞋先可以入去但係可以對住個窗食嘢感覺好好，出面就係一片山林，感覺好舒服🌳🍃
心思思乜嘢都想試，最後都係嗌左「醬油太陽蛋雞扒定食套餐」($56)，仲加咗一個「黑糖奶蓋炭焙烏龍」($17)🍹
醬油太陽蛋雞扒定食套餐
$56
202 瀏覽
0 讚好
0 留言
醬油太陽蛋雞扒定食套餐
$56
138 瀏覽
0 讚好
0 留言
最鍾意個飯係醬油另上，可以自己控制落幾多，細心加分✨
醬油太陽蛋雞扒定食套餐
$56
91 瀏覽
0 讚好
0 留言
小食方面我揀咗麻辣青瓜同埋花枝丸，朋友就揀咗滷水雞翼同埋麻辣皮蛋。
覺得個青瓜好酸，應該落咗好多黑醋，但係唔太麻辣，朋友個皮蛋就辣啲。覺得花枝丸唔算好特別，但個滷水雞翼就好出色，甜甜地得黎又唔係普通嘅滷水味道，好有驚喜！
定食套餐都會送迷你茶碗蒸，就係蒸蛋上面有啲台式滷肉飯嘅汁。呢個蒸蛋都好好食，蛋好滑，醬好食😋
台式飲品如果跟餐加配嘅話，就可以減$5。
「黑糖奶蓋炭焙烏龍」聽落好邪惡，就二話不說同朋友一齊揀咗呢個😂
個奶蓋一啲都唔輸蝕比出面嘅台式飲品店，而且個烏龍係冷泡茶，只係加咗$17，真係好抵！
總括一句，I will be back！💛✨
環境舒服一啲都唔擁擠，而且嘢食飲品高質，價錢合理，絕對會再次光顧！💛
見到入邊嘅職員大多數都係年青女性，真係好佩服可以將餐廳打理得井井有條👍🏻
張貼
