影片
更多
2018-11-26
113 瀏覽
最近有位舊同學結婚新居人伙，我地呢班舊同學又點可能唔一齊借機會聚下舊呢？一向以美食沙漠見稱嘅馬鞍山，有個今年中先開嘅商場We Go Mall，裏面都幾多野行呀。雖然佢離港鐵站有d距離，但咁岩朋友住嗰頭，我地當然落去搵食啦。我地揀左養心殿台式養生鍋，貪佢坐得舒服，打邊爐可以一路食一路傾嘛。呢間養心殿貫徹一向裝修作風，偏向古色古香，利用屏風分隔，營造出好似客棧嘅感覺，燈光稍為有點暗，非常有feel。餐牌方面，湯底有六款，另外有十款小食供應。火鍋配料方面，肉類、海鮮、蔬菜、餃類、豆製品，應有盡有！我地叫左個鴛鴦鍋，再加幾樣配料。醬料方面，門口有一個自助醬料區，可以比大家自行混出適合嘅醬料。首先講吓個湯底，我哋要咗麻辣鍋同酸菜白肉鍋嘅鴛鴦湯底($128)。麻辣鍋方面，配以多種香料同藥材，裏面亦配上鴨血同凍豆腐，唔算太辣，但係麻嘅感覺十足，越食越上癮。至於酸菜白肉鍋，佢係用咗醃製大白菜配上五花腩肉，飲落酸中帶鹹香，非常有風味。手切肥牛 - 大($338)火鍋點可以冇牛呢，最後揀左呢款手打牛肉。牛味雖不算重，但肥瘦適中入口即溶，色澤鮮紅，鐘意食牛肉絕對唔可以錯過。嘉美農場雞肉($108)相信大部分
最近有位舊同學結婚新居人伙，我地呢班舊同學又點可能唔一齊借機會聚下舊呢？一向以美食沙漠見稱嘅馬鞍山，有個今年中先開嘅商場We Go Mall，裏面都幾多野行呀。雖然佢離港鐵站有d距離，但咁岩朋友住嗰頭，我地當然落去搵食啦。我地揀左養心殿台式養生鍋，貪佢坐得舒服，打邊爐可以一路食一路傾嘛。
呢間養心殿貫徹一向裝修作風，偏向古色古香，利用屏風分隔，營造出好似客棧嘅感覺，燈光稍為有點暗，非常有feel。
餐牌方面，湯底有六款，另外有十款小食供應。火鍋配料方面，肉類、海鮮、蔬菜、餃類、豆製品，應有盡有！我地叫左個鴛鴦鍋，再加幾樣配料。
醬料方面，門口有一個自助醬料區，可以比大家自行混出適合嘅醬料。
麻辣鍋 酸菜白肉鍋 鴛鴦湯底
$128
15 瀏覽
0 讚好
0 留言
手切肥牛 - 大
$338
9 瀏覽
0 讚好
0 留言
火鍋點可以冇牛呢，最後揀左呢款手打牛肉。牛味雖不算重，但肥瘦適中入口即溶，色澤鮮紅，鐘意食牛肉絕對唔可以錯過。
嘉美農場雞肉
$108
13 瀏覽
0 讚好
0 留言
相信大部分人鐘意食嘉美雞既原因都不外乎貪佢雞味濃厚，而且雞肉嫩滑。養心殿既嘉美農場雞肉亦都唔例外，就算煮耐左，亦唔會鞋口，配上養心殿既麻辣湯底，味道啱啱好！
即炸脆響鈴
$68
6 瀏覽
0 讚好
0 留言
響鈴絕對係打邊爐既必備配料，一般火鍋店既脆響鈴淥完落個湯到，兩秒又好三秒又好，都會變左好似食一塊布咁樣。養心殿既即炸脆響鈴好特別，就算你淥左五秒都好響鈴仍然會好脆! 口感就好似食緊好多細細條既脆脆咁! 重點係份量相當足夠，最適合一大班朋友叫黎食!
炸五餐肉
$58
10 瀏覽
0 讚好
0 留言
將午餐肉放入湯底滾一滾就可以食，香脆可口 ， 同平時嘅午餐肉個分別，呢度就係外脆內軟，唔係每個地方都食到架！
鵝肝墨魚丸 - 半份
$48
9 瀏覽
0 讚好
0 留言
外層墨魚丸爽口彈牙，咬落去裏邊有一粒鵝肝粒，鵝肝油油香味道濃郁，配上比較淡味嘅墨魚丸，好balance。
寬粉條
$38
17 瀏覽
0 讚好
0 留言
其實就係平時食到嘅薯粉，口感煙煙韌韌，煮到半透明就可以食用。吸晒麻辣湯嘅寬粉條，啖啖都充滿住麻香，少少辣多多趣，越食越過癮，非常滿足。
總括來講，養心殿個湯底真係令人食上癮，麻辣、酸菜各有特色。配料方面都高質嘅，加上坐得舒服又有個人空間，很好。
張貼
