影片
更多
2022-02-10
22 瀏覽
話咁快就放完年假，又要返去捱騾仔。第一日開工，晏晝當然要食餐好。見好耐冇食過日本嘢，今次就揀咗呢間主打高質壽司同刺身嘅「東京街日本料理」。店舖雖然係以外賣為主，不過入面亦設有小量地方，可供客人立食用餐。先研究一下餐牌，壽司定食同刺身拼盤嘅選擇真係好豐富，另外仲有接近 40 款和食及魚生丼可供選擇。花多眼亂，都唔知揀邊款好，心大心細，最後點咗 Set 特選壽司盛：東京 A ($158)，睇下賣相幾吸引，食材新鮮之餘價錢又合理，而且全部壽司都係即叫即做！當中包括有三文魚、柚子吞拿魚、池魚王、鱆紅魚、帶子拖羅魚子戀同原隻北寄貝壽司，每款 2 件。先嚐至愛嘅三文魚，大大件，油香肥美，入口鮮美甘甜。吞拿魚味道亦唔錯，色澤粉紅，油分亦恰好，入口滑潤甘香，配上微酸嘅柚子，食落清新開胃。至於池魚王同鱆紅魚壽司，食味亦一流！池魚王味道甜美，肉質細緻爽口帶油份、而鱆紅亦鮮味十足，魚肉雪白，肉質結實彈牙，味道清甜誘人。另外兩件帶子拖羅魚子戀亦睇頭十足，帶子肉厚肥美、拖羅富天然魚脂甘香，配埋頂頭嘅魚子一齊食，入口鮮味又帶點鹹香，正。北寄貝嫣紅明亮，入口爽脆柔嫩，輕沾山葵醬油吃，已經鮮美無比。壽司飯口感亦甚佳，
話咁快就放完年假，又要返去捱騾仔。第一日開工，晏晝當然要食餐好。見好耐冇食過日本嘢，今次就揀咗呢間主打高質壽司同刺身嘅「東京街日本料理」。
店舖雖然係以外賣為主，不過入面亦設有小量地方，可供客人立食用餐。
先研究一下餐牌，壽司定食同刺身拼盤嘅選擇真係好豐富，另外仲有接近 40 款和食及魚生丼可供選擇。
花多眼亂，都唔知揀邊款好，心大心細，最後點咗 Set 特選壽司盛：東京 A ($158)，睇下賣相幾吸引，食材新鮮之餘價錢又合理，而且全部壽司都係即叫即做！
當中包括有三文魚、柚子吞拿魚、池魚王、鱆紅魚、帶子拖羅魚子戀同原隻北寄貝壽司，每款 2 件。
先嚐至愛嘅三文魚，大大件，油香肥美，入口鮮美甘甜。吞拿魚味道亦唔錯，色澤粉紅，油分亦恰好，入口滑潤甘香，配上微酸嘅柚子，食落清新開胃。
至於池魚王同鱆紅魚壽司，食味亦一流！池魚王味道甜美，肉質細緻爽口帶油份、而鱆紅亦鮮味十足，魚肉雪白，肉質結實彈牙，味道清甜誘人。
另外兩件帶子拖羅魚子戀亦睇頭十足，帶子肉厚肥美、拖羅富天然魚脂甘香，配埋頂頭嘅魚子一齊食，入口鮮味又帶點鹹香，正。
北寄貝嫣紅明亮，入口爽脆柔嫩，輕沾山葵醬油吃，已經鮮美無比。壽司飯口感亦甚佳，飯粒軟硬適中，食到醋味，但又唔會影響到魚生嘅味道，感覺和諧。
張貼
