阿久根和牛立燒店 (已結業)

旺角白布街一向都係酒吧同埋Cafe林立，但係今次介紹嘅係主打和牛燒肉嘅《阿久根和牛立燒店》。餐廳設計有啲似日式居酒屋，每一個餐枱上面都有獨立抽風系統。雖然個名叫立食，其實全部都有座位。兩個人晚市就直接叫豐和牛二人盛 $388，燒肉拼盤嘅和牛全部日本直送，包括肉眼A5、 西冷A5、肉眼A4、西冷A4, 牛舌、三角肋肉、牛肚。所有材料都係自己用明火燒烤，所以特別有滿足感。肉眼、西冷油花都幾靚，燒一陣就可以食，唔洗燒到全熟乾哂，肉汁都幾多。燒熟嘅牛肚口感都幾特別，爽口又唔韌。另外仲有時令蔬菜，包括粟米、冬菇、翠玉瓜，火候控制都唔難，新手都可以輕鬆駕馭。生菜係免費！另外，燒肉建議同白飯或者生菜一齊食用，咁就可以減輕油膩感。💰人均90蚊一位lunch如果唔想錯過其他好餐廳嘅介紹，記得follow我呀😘多謝大家！！！