Zappy (已結業)

今日朋友帶我去呢間位於時代附近嘅百樂中心的西餐店，地點方便，一上到去都少人，環境坐得舒服。法式炸薯條份量大份，薯條新鮮炸起，熱辣辣，配左三個醬汁，有茄汁，燒烤醬和蛋黃醬，岩哂個個唔同口味。XO醬大蝦意大利麵大蝦好厚肉，爽口彈牙，Xo醬同忌廉好夾，辣辣地幾開胃，意大利麵煮得剛剛好，醬汁同意大利麵做到掛汁效果。香煎帶子黑松露野菌露荀意大利飯帶子煎到外脆內軟，加左菌類同黑松露味道更香，意大利飯軟硬適中，我中意嘅質地。松露雪糕雪糕質地紮實，唔會好容易溶，面頭灑滿松露粉味道好香，店員仲會畫左貓貓公仔，十分得意。