影片
更多
2020-04-04
313 瀏覽
通常三個一樣字拼埋一齊都唔識讀呢個字亦唔例外🤣依三隻牛讀作「奔」，解作眾牛奔走之意。位於銅鑼灣希慎附近，由台灣人主理，總廚更大有來頭曾於前總統馬英九的官邸作宴會廚師。裝潢有格調室內環境幾大幾舒服，以銅鑼灣區來說價錢合理唔算好貴因為食物都有返咁上下質素，係小編暫時近期食過嘅一間高質台式料理店。💛黃店認證：9.30派飲品同提供休息地方比手足及清洗傷口👓犇之三寶麵 $86牛筋2舊牛腩3舊牛肚2舊，牛份量聽落唔算多但其實食落都好大碗加埋蘿蔔，每樣都入味有咬口，湯底牛味香濃明顯唔係味精味湯，湯頭用牛骨、台灣醬油及蔬菜熬製足六小時。用咗台灣麵，係粗麵不過湯麵熝得稍微有少少淋，不過整體都係好食嘅😚評分：8.5/10👓麻辣牛肉乾拌麵（汁另上) $68用咗粗麵，麵質彈牙好食。有青瓜絲和大量牛腱絲好足料。麻辣汁都有中辣程度，不過落咗係好食好多倍，味道變得香辣惹味。評分：8/10⭐️比較喜歡食粗麵嘅拌麵，覺得有口感啲，而餐廳亦有一包包嘅散裝拌麵可以買走，有蔥油、擔擔麵、麻醬、麻辣味道，不過外帶包裝係幼麵而唔係粗麵，醬料味道都一般，覺得冇需要特登買來試😗👓宜蘭鹽酥雞滷肉飯 $72滷肉汁夠入味，同滷肉份量剛好黎撈
位於銅鑼灣希慎附近，由台灣人主理，總廚更大有來頭曾於前總統馬英九的官邸作宴會廚師。裝潢有格調室內環境幾大幾舒服，以銅鑼灣區來說價錢合理唔算好貴因為食物都有返咁上下質素，係小編暫時近期食過嘅一間高質台式料理店。
💛黃店認證：9.30派飲品同提供休息地方比手足及清洗傷口
👓犇之三寶麵 $86牛筋2舊牛腩3舊牛肚2舊，牛份量聽落唔算多但其實食落都好大碗加埋蘿蔔，每樣都入味有咬口，湯底牛味香濃明顯唔係味精味湯，湯頭用牛骨、台灣醬油及蔬菜熬製足六小時。用咗台灣麵，係粗麵不過湯麵熝得稍微有少少淋，不過整體都係好食嘅😚
評分：8.5/10
👓麻辣牛肉乾拌麵（汁另上) $68用咗粗麵，麵質彈牙好食。有青瓜絲和大量牛腱絲好足料。麻辣汁都有中辣程度，不過落咗係好食好多倍，味道變得香辣惹味。
評分：8/10
⭐️比較喜歡食粗麵嘅拌麵，覺得有口感啲，而餐廳亦有一包包嘅散裝拌麵可以買走，有蔥油、擔擔麵、麻醬、麻辣味道，不過外帶包裝係幼麵而唔係粗麵，醬料味道都一般，覺得冇需要特登買來試😗
👓宜蘭鹽酥雞滷肉飯 $72滷肉汁夠入味，同滷肉份量剛好黎撈飯食，唔會剩係得瘦肉粒好乾身，唔油膩，吾會全部肥膏，真係肥瘦均勻肉質淋，後來得悉原來用了每隻豬珍量的豬肩頸肉。飯粒粒分明唔會過於濕身黏口。但隻蛋係好普通嘅實心蛋而不是溏心蛋，少失色。
鹽酥雞炸得香脆皮又唔厚，肉質嫩滑，調味幾好夠鹹，唔算係好迷你嘅雞粒，約有八舊。
評分：8/10（鹽酥雞8分）
👓師大香酥排骨滷肉飯 $72排骨好大塊，但佢唔係油炸果種酥脆排骨而係香煎果種，小編覺得反而冇咁熱氣不過始終有人會比較鍾意粉漿脆炸嗰種排骨。肉質普通，面頭沈上黑椒等調味料所以都好夠味，整體上正常發揮唔算特別好出色。
評分：7.5/10 (排骨7分)
👓眷村牛肉捲蔥餅 $48蔥餅皮略嫌凍有少少變硬左唔夠餅皮嘅鬆軟，同埋佢係蔥油餅所以個餅皮有少少厚度而唔係蛋餅薄餅嗰種薄薄的。餡料係牛腱絲、青瓜和酸菜，不過覺得材料嘅味道唔太夾，雖然鹹酸菜係師傅自家製，但酸菜酸嘅味道蓋過咗蔥餅嘅蔥油味，走酸菜會好食好多🤧材料係好足料爆餡， 所以食落口感豐富飽滿。
評分：7/10
張貼
