火之神

營業中

休息中

今日約咗朋友喺佢公司附近食飯,佢介紹咗呢間餐廳，睇落冇咩好特別但係不斷客人絡繹不絕。食物真係好食，果然朋友推介係有原因。我就揀咗個日式咖哩吉列豬扒蛋包飯。呢個餐看似普通但係佢嘅吉列豬扒實在做得出色，外皮夠酥脆，入面豬扒好味道，夠厚又唔鞋，而且蛋包飯嘅蛋非常嫩滑，一大片閃令令嘅黃色蛋，睇到都流晒口水。比佢嘅炸物吸引左，另外再要左份洋蔥圈，同樣香脆可口，今餐真係邪惡又好味。朋友揀左羅宋湯扁意粉同唐揚雞塊。唐揚雞塊嘅雞肉非常之嫩，亦都炸到非常香脆，唐揚口感又同吉列唔同，不過兩樣都好食。 羅宋湯味道香濃，滿滿鮮茄味道，加左好配料烹調，扁意粉食落更掛湯汁，正！