十和田壽司 (香港科學園)

營業中

休息中

之前係尖沙咀排長龍嘅人氣壽司店「十和田」原來係科學園開咗分店。同尖沙咀唔同，呢度落地大玻璃望住出面嘅園景，更加開揚光猛。佢哋嘅香蔥拖羅蓉係我最鍾意嘅丼飯之一。嚟十和田就一定要食Signature 三色丼。分別有香蔥拖羅蓉、海膽、蟹肉蟹膏，三款口味。入面嘅壽司飯係赤醋米，加上少少海苔醬，釣起咗各款口味嘅味道。香蔥拖羅蓉油香十足，夠棉密。海膽新鮮creamy，蟹肉蟹膏味道濃厚之餘，蟹肉份量仲十分之多。午餐包埋味噌湯同茶碗蒸，就算細細碗都夠晒飽。