六合小廚 (已結業)

環境舒服乾淨俐落。餐牌上選擇眾多，難以選擇！最後同朋友點了私房菜套餐，全部都好正好夠鑊氣！等我逐樣簡單介紹番先！湯好足料，冇味精，飲晒都唔覺得口渴。油菜係菜心，配上醬汁，下飯一流。口水雞汁相當惹味，雞件香甜滑嫩，令人忍唔住一件接一件。雞件上仲加上花生碎，無比香口，辣度都相當適中。欖菜肉碎四季豆，又香又夠鑊氣，用嚟配白飯簡直係一流絕配呀！最後唔少得配返杯凍檸樂，一解油膩感同舒筋活絡😂😂😂想讚下呢度嘅服務態度非常好。