L Kitchen

營業中

休息中

雖然位置唔起眼，但性價比高，食物質素高，服務一流。之前食過一次，今次再黎天一商場，即刻諗起呢間。壽喜燒烏冬濃郁，牛肉份量足料。雞肉蕃茄扁意粉，本身微辣，但可以揀走辣/加辣，今次加咗辣。都好多雞肉，唔係碎濕濕嘅肉。慢煮雞胸嫩滑，一啲都唔鞋口。餐湯係蕃茄甘筍湯，食到啲甘筍蓉同蕃茄蓉，唔係罐頭開出嚟。職員非常貼心，落單前會清晰複單，上菜時會提醒小心熱，我食蕃茄意粉，佢見我著白色衫會問我使唔使俾張紙巾我圍住，驚啲汁彈污糟件衫。我坐係風口位，同男朋友換位坐，然後佢見到即刻問係咪覺得凍，使唔使較細啲冷氣。呢啲係小店先會有。