黑木亭居酒屋 (清風街) (已結業)

襯住呢排無咁忙 同朋友夾到時間黎呢間居酒屋吹下水 relax下🥰呢間離地鐵站好近 行幾分鐘就到❤️野食又好高質！🥗前菜先點左我至愛既「蟹將軍薯仔沙律」！幾好食～份量仲好多添！🍱主食個A5和牛海膽丼飯真係十分推介！每個飯會配個生蛋，撈埋啲和牛食，非常滑溜！和牛半生熟 牛味好出～飯又加左和牛汁！真係好好食！讚👍🏻🍢另外叫左好多款串燒試下🌟之前聽過朋友講過係台灣食「七里香」（即雞屁股）好好食係真架！今次係到叫既雞屁股燒到外層好脆，入口咬開即溶，好香既油脂係口腔🌝完全食唔停口🥹🌟羊架燒得好香，旁邊仲有啲醬，酸酸甜甜幾開胃又解膩！推介！🌟脆燒豆腐都有驚喜！落左啲醬汁燒到外層脆脆地，有種燒章魚燒既風味🥰🌟飲品都好用心，賣相好靚！蜜桃烏龍茶上面有隻熊仔勁可愛🐻洛神花梳打漸變色 勁靚❤️👍🏻整體黎講每道菜都幾好食食物款式都好多 可以再同朋友黎encore