嘆甜品

營業中

休息中

屋企附近新開咗間甜品舖梗係要幫襯吓啦😋佢哋價格好親民。同樣嘅嘢如果轉左喺尖沙咀價格起碼×2。今次試咗佢哋嘅鮮雜果忌廉窩夫配豆腐味雪糕。呢個豆腐味雪糕真係好正，有香濃嘅豆腐味同奶味而且口味好清新。又唔會太甜。多款鮮雜果忌廉配埋香脆即整嘅窩夫，簡直係完美😍 伴碟仲用朱古力畫咗精緻嘅圖案。成疊野好colorful就好似一件藝術品咁。加$8仲可以換購多款飲品我就揀咗白桃乳酸。酸酸甜甜好開胃。榴槤飄雪 在上面有一舊鮮榴槤打出嚟嘅，榴槤雪糕。口味好濃郁，下便鋪一層厚厚嘅牛奶碎冰，口味偏清淡。同榴槤雪糕一齊食，啱啱好中和左。 隔離仲鋪左一堆煙韌嘅小丸子。BBQ蜜糖雞翼，雞翼烤到啱啱好將皮下嘅脂肪逼走雞皮變得酥脆 小食拼盤，裏便有兩串雞軟骨。幾粒燒賣。除炸薯條。椒鹽味鹽酥雞。雪糕草莓奶昔，濃郁嘅草莓味雪糕搭配埋絲滑奶昔。芒果西瓜汁，用新鮮芒果同西瓜整出嚟。