Coedo Taproom (Fashion Walk) (已結業)

行經銅鑼灣Fashion Walk諗住望下有咩特別既餐廳，見到呢間外貌型格既餐廳，Menu旁仲有塊板介紹十幾款啤酒，原來餐廳特別之處係有不同既手工啤(Coedo Beer)，日本手工啤品牌。選擇左户外座位，非常舒服，好適合慢慢享受靚啤酒食個晏😌😌如果你無特別心水，店員會根據你既preference 介紹啱你口味既手口啤，因為個人喜歡手工啤有淡淡既果香味，店員介紹左9號：1Bu （本地生產）末入口前已經聞到微甜果香味😌 入口亦好Light 好易入口Menu好多選擇，先揀左兩款串燒，同一個沙律做前菜。蟹籽沙律青瓜蘿白新鮮，好食～～豚肉露筍卷好香！食落豚肉甘香味美，配合新鮮露筍🤤大葱雞肉串雞肉上有少少柚子醬，整體不錯Coedo紅赤慢煮牛脷配薯蓉呢個係今餐既推介之一！上枱時估唔到，一小盆原來內藏5舊大牛脷。牛脷非常嫩滑，配上手工啤醬汁非常之唔錯😍😍😍 薯容有加芝工，都係好味既！鰻魚疏乎厘煲仔飯推介之二！一個好特別既菜式，上枱覺得好似甜品，外觀好靚，另外有一瓶蛋白湯汁俾你混入鰻魚飯中，令成個飯食落更香更滑。喜歡食鰻魚飯既朋友可以一試，新配搭絕對有驚喜😆😆總括來説，環境服務食物質素都好好，下次再來