薄餅怪獸

營業中

休息中

阿女話同事介紹土瓜灣有間薄餅怪獸，食物好味之餘價錢又大眾化，尤其佢哋嘅薄餅超好味，今日就同我一齊去試吓！餐廳裝修簡潔，主打意大利菜和素食。薄餅是即叫即做，上枱熱辣辣，而且分大、中、細三種size,前兩種重可以搵厚底或薄底，最細就一定係厚底。吞拿魚特色薄餅（中），材料包括粟米、菠蘿、吞拿魚、煙肉，千島醬，揀咗口感比較脆的薄底，豐富嘅餡料配埋千島醬，十分惹味！蝦兵蟹將：黃金炸蠔、黃金炸蝦、炸魚柳和洋蔥圈。全部都係即叫即炸，完全唔會太油膩，外層香脆可口，炸蠔新鮮冇腥.炸蝦爽口，炸魚柳嫩滑，洋蔥圈外酥里嫩。招牌炸雞炸至金黃酥脆，達至皮脆肉嫩，層次豐富嘅口感。香濃鮮茄豬柳焗飯，濃香的茄汁味道，配搭鬆軟的豬柳和香口炒飯，美味得讓人一口接一口停不下來。凍檸茶，檸檬芳香清新，茶味香醇濃郁。