Food Combo (已結業)

最近同媽咪行過新墟見到呢間餐廳，唔知係咪新開，定之前冇為意，喺門口望到個店面都乾乾淨淨，就入去試下。賣點一，原來飲品無限添飲，有凍檸茶、薄荷橙水，熱飲就有杞子桂圓薑茶! 我餐前飲左杯薑茶，有薑味同淡淡杞子味，都幾好飲，唔會好辣! 飯後我就飲左杯橙水，好香橙味好清新!睇下個menu,都幾多野揀，除左lunch 仲有daily set。 我同媽咪就揀左2個lunch set 加兩個小食!我點左鮮茄大蝦意粉加泰式蝦餅!個大意粉非常抵贊! 大蝦爽口鮮甜，食得出唔係下價雪藏蝦，彈牙好味!仲有新鮮什菌，而意粉都係軟硬適中! 絕望可以encore!泰式蝦餅，上台時熱辣辣，好香香茅味，微辣，開胃小食!媽咪就點左白汁海鮮焗飯!配蒜蓉炒什菌。睇個樣都見到d汁同芝士均勻鋪係飯上，未食之前擔心會太膩，食落又唔係喎!仲有少許拉絲添!海鮮就都係例牌餸，不過重點係有約6隻青口，有大有細，爽口!同埋佢塊炸魚柳，嫩滑入味!炒什菌，好似普普通通咁，佢香口得嚟唔會油膩膩!兩份餐既份量十足，我地仲要打包走!店面裝修簡潔清新，好舒服!侍應人數唔多，但都好好禮貌!抵贊!如果lunch時間(約12點)人比較多，我見都坐滿架!