影片
更多
2020-08-24
7402 瀏覽
平時好少食自助餐但半自助餐就唔同啦，今次聽朋友介紹去咗呢間酒店內半自助餐嘅餐廳一試。環境都算寬敞，所以食得都安心啲。入座時間7:30已經會見到有啲特別菜式會比人排隊拎，我地都紛紛上前湊下熱鬧。每人都有戴口罩好自律。首先攞到嘅係麻辣汁煮東風螺，好中式嘅一道菜，係西餐廳食到都幾特別，而味道都非常到位，夠入味又稍辣咁。趁等緊主菜嘅同時，我哋出左去行個圏睇下有咩食。自助bar嘅款式吾算少，海鮮都算新鮮。另外都有基本嘅壽司刺身提供。特別留意餐廳有提供冷盤鮑魚，想食嘅要主動問下職員攞啦。湯品有中有西，我獨愛中湯，見到一片片滑滑雪片真係忍唔住要舀多兩碗飲養養顏。食食下就見到侍應徐徐推出限定菜式，今次係火焰芝士長通粉，仲可以睇到製作過程，一邊睇真係口水直流！我地攞左一份淺嚐，味道雖然唔算好濃郁芝士香，但係通粉唔會太腍，而係幾有口感嘅質地所以都令我一口接住一口好快清咗碟。好快主菜就到了，首先係威靈頓鴨肝牛柳，牛柳肉質好腍嫩，一切落去肉汁四散，外層酥皮幾香口再配上鴨肝一齊食更係邪惡滿分。另一份主食叫左宮崎和牛西冷扒，牛排油脂比例重，但口感仲會保留左少少嘅嚼勁，食落每啖有濃郁嘅牛味，令人滿足。主菜仲跟咗無限
入座時間7:30已經會見到有啲特別菜式會比人排隊拎，我地都紛紛上前湊下熱鬧。每人都有戴口罩好自律。
首先攞到嘅係麻辣汁煮東風螺，好中式嘅一道菜，係西餐廳食到都幾特別，而味道都非常到位，夠入味又稍辣咁。趁等緊主菜嘅同時，我哋出左去行個圏睇下有咩食。自助bar嘅款式吾算少，海鮮都算新鮮。
另外都有基本嘅壽司刺身提供。特別留意餐廳有提供冷盤鮑魚，想食嘅要主動問下職員攞啦。
湯品有中有西，我獨愛中湯，見到一片片滑滑雪片真係忍唔住要舀多兩碗飲養養顏。
食食下就見到侍應徐徐推出限定菜式，今次係火焰芝士長通粉，仲可以睇到製作過程，一邊睇真係口水直流！
我地攞左一份淺嚐，味道雖然唔算好濃郁芝士香，但係通粉唔會太腍，而係幾有口感嘅質地所以都令我一口接住一口好快清咗碟。好快主菜就到了，首先係威靈頓鴨肝牛柳，牛柳肉質好腍嫩，一切落去肉汁四散，外層酥皮幾香口再配上鴨肝一齊食更係邪惡滿分。
另一份主食叫左宮崎和牛西冷扒，牛排油脂比例重，但口感仲會保留左少少嘅嚼勁，食落每啖有濃郁嘅牛味，令人滿足。
主菜仲跟咗無限量提供嘅黃金薯條及黑白松露薯條，幼身薯條炸得好香脆，仲掛上適量嘅咸蛋黃及黑松露，真係令人欲罷不能。
最後就食咗好多水果同甜品，仲有Häagen-Dazs雪糕供應，真係好豐富！
張貼
