btw (已結業)

科技日新月異，而家好多野都電子化左，咁機械人送餐俾你又見過未試過未呢？今次我地去左土瓜灣既一間餐廳，賣點就係機械人送餐啦！價錢仲好親民！首先用電話掃描qr code就可以落單，確定後就好快由機械人送到啦❣️好方便！我地叫左：..🍳溫泉蛋牛肉石鍋飯🐔薏米人蔘雞燉湯🥩韓式牛肉炒粉絲🧀車打芝士醬配韓式炸雞🍗柚子雞翼🍖經典豬軟骨豬骨濃湯粉絲☕️凍意式忌廉咖啡🍊凍柚子薏米水🍋柚子檸檬梳打..估唔到食物好快送上，連食物質素都好ok! 要讚下石鍋真係keep住好熱，石鍋飯真係食到尾都有煙，最正係飯焦，撈埋溫泉蛋同牛肉好好味！人蔘雞湯好足料，真係成條人蔘，而雞肉都燉到好軟滑，不過如果個湯可以再濃郁d就正！韓式牛肉炒粉絲好好食！好入味！好juicy..車打芝士醬配韓式炸雞，芝士好濃，好大兜醬！柚子雞翼很不錯🤩 柚子醬酸酸甜甜咁，好開胃！豬軟骨煮到好軟腍好好食，豬骨濃湯再濃味d會更惹味～咖啡唔錯啊！薏米水真係勁多薏米！梳打超fresh超解渴！..呢間真係唔錯既選擇，係高質既茶餐廳之選！環境乾淨又坐得舒服👍🏻 最重要係價錢都好抵！