影片
更多
2020-09-27
91 瀏覽
今日中午嚟食點心🤤位置超方便，一出石門站就見到！點心紙都有好多選擇！仲有兩個超抵嘅孖寶套餐！！分別係蒸飯同埋腸粉套餐，一個飯或者腸粉再配一個點心都係$40幾蚊，超抵食！想健康養生啲嘅話，每一日都有兩款燉湯可以揀😍腸粉套餐：叉燒滑腸粉配鮮蝦燒賣腸粉皮好滑唔會厚，口感唔錯！叉燒分量十足，入面有超多半肥瘦叉燒，配埋豉油食，正！而且腸粉都算大碟👍🏻燒賣啖啖蝦肉，鮮甜彈牙。而且大大粒，仲有香茹係入面，好食。土茯苓赤小豆薏米燉響螺個湯熱辣辣。飲返碗湯養生又滋潤，啱唒呢個天氣飲。而且每樣材料都好有益。個湯又足料，所有材料都食到，仲有瘦肉，令到個湯更加鮮甜。奶黃千層糕呢碟真係有啲估唔到🤣雖然同想像中嘅有啲出入，不過又真係幾特別！奶黃糕係中式嘅包與包中間，一層層咁都幾有口感。而且中間仲夾雜着一啲類似糖冬瓜嘅材料，甜甜地幾得意。柱侯金錢肚金錢肚醬汁出色，好香濃又唔會太咸，金錢肚吸哂啲汁，好入味。金錢肚方面，質素唔錯，蒸得夠軟身但有咬口。桑寄生蓮子蛋茶好鍾意食呢個中式糖水！夠健康又好食。桑寄生煲得夠耐，而且有超多蓮子！食完點心食糖水好滿足。南瓜煎軟餅買單前見到隔離枱嗌，好吸引，忍唔住都叫咗一份試下。好彩有食
位置超方便，一出石門站就見到！
點心紙都有好多選擇！
仲有兩個超抵嘅孖寶套餐！！
分別係蒸飯同埋腸粉套餐，一個飯或者腸粉再配一個點心都係$40幾蚊，超抵食！
想健康養生啲嘅話，每一日都有兩款燉湯可以揀😍
腸粉套餐：叉燒滑腸粉配鮮蝦燒賣
腸粉皮好滑唔會厚，口感唔錯！叉燒分量十足，入面有超多半肥瘦叉燒，配埋豉油食，正！而且腸粉都算大碟👍🏻
燒賣啖啖蝦肉，鮮甜彈牙。
而且大大粒，仲有香茹係入面，好食。
土茯苓赤小豆薏米燉響螺
個湯熱辣辣。飲返碗湯養生又滋潤，啱唒呢個天氣飲。而且每樣材料都好有益。個湯又足料，所有材料都食到，仲有瘦肉，令到個湯更加鮮甜。
奶黃千層糕
呢碟真係有啲估唔到🤣雖然同想像中嘅有啲出入，不過又真係幾特別！奶黃糕係中式嘅包與包中間，一層層咁都幾有口感。而且中間仲夾雜着一啲類似糖冬瓜嘅材料，甜甜地幾得意。
柱侯金錢肚
金錢肚醬汁出色，好香濃又唔會太咸，金錢肚吸哂啲汁，好入味。金錢肚方面，質素唔錯，蒸得夠軟身但有咬口。
桑寄生蓮子蛋茶
好鍾意食呢個中式糖水！夠健康又好食。桑寄生煲得夠耐，而且有超多蓮子！食完點心食糖水好滿足。
南瓜煎軟餅
買單前見到隔離枱嗌，好吸引，忍唔住都叫咗一份試下。好彩有食到！因為真係好好食，推介！首先個點心熱辣辣加晒分，個皮好出色，好煙韌，而且上下外層煎得香脆，所以油左少少都唔緊要啦🤪而且入面嘅紅豆餡都好香，唔會好假，整個配搭超match。作為飯後甜品好滿足。
食咗咁多嘢每人都係大概$100左右。非常推介呢度嘅套餐，真係好抵食👍🏻而且每樣點心都好有質素。最值得一讚嘅係全部野都係即叫即做，每碟點心都係熱騰騰，令到個點心更加好食。
張貼
