牛魔 (已結業)

尖沙咀又多一間燒肉店，重點✨無煙燒肉，唔怕食完會成身味！星級熱賣套餐二人前✍🏻揚櫻花蝦豆腐呢個係前菜，上枱嗰陣熱辣辣，豆腐炸脆咗，再配上櫻花蝦嘅醬汁，帶出豆腐嘅鮮味，清清地好開胃！✍🏻 全天然西班牙豚肉五花腩五花腩做到肥瘦肉雙間，一燒啲油香出晒嚟，配上生菜同埋辣辣地嘅特製醬汁，唔會好油膩，勁香口！✍🏻 鮮活魷魚筒原隻魷魚筒，超級新鮮，啲魷魚鬚勁大條，燒到焦香咁食，魷魚筒亦都好煙靭，好有口感，鮮味十足！✍🏻 美國和牛封門柳原條封門柳超級厚肉，肉質鮮嫩彈牙，唔使特別調味，淨係食和牛嘅香味都已經好好食！✍🏻美國和牛牛板腱每一塊薄切嘅牛板腱都充滿油花，霜降紋好清晰，入口即溶！✍🏻香蔥薄切牛舌薄切嘅牛舌絕對唔會嚡口，煙靭嫩滑，再加上香蔥，牛味香濃！✍🏻 日式芝士魚籽雞卷最後依個係壽司卷，壽司飯入邊包住炸脆咗嘅雞肉，面頭鋪上燒溶咗嘅芝士同埋三文魚子，再加上沙律醬去食，味道豐富又層次！