大喜屋 (已結業)

好耐冇食放題，經過樓下見大排長龍，一於入去湊下熱鬧啦！一坐低當然要嗌刺身先嗌！甜蝦大隻得黎又幾鮮甜，牡丹蝦就夠爽口，正！忍唔住要叫多round!為左個海膽而叫既手卷，好在手卷夠細件，唔會飽肚，海膽都幾鮮甜唔會腥臭！成日去放題見到有蟹粥都會食下，今次都唔例外，粥底鮮甜有蟹味又夠綿，自己都可以食曬成鍋！牛舌串燒，必嗌！夠juicy又唔會羶👍🏼豬肋骨係比較少放題有既菜式，燒得皮脆肉嫩，唔會乾身！食完咁多主菜之後，梗係要食埋雪糕先夠完滿啦，未試過milk top既cookie味，食落都幾milky，好多cookie碎！😋