影片
更多
2021-10-28
53 瀏覽
今日難得可以吾洗湊仔同老公一早就book左呢間位於九龍城新開業既鮨勝食廚師發板👨🏻🍳我地叫左兩個set 勝 katsu $1680，呢到既環境好整潔，只有bar枱位置，師傅們都非常親切。·先付白子面頭加左小小橙皮，口感滑，不過白子其實係魚類既精巢，但又真係好好食·刺身六款真鯛用左小小鹽吊味，再加左蜜糖水同檸檬汁蝶魚包住啲蔥，面頭放左柚子啫喱，呢個配搭非常清新宮城帆立貝好厚身，食落鮮甜太刀魚加左鹽、柚子皮、檸檬汁，師傅再燒左表面，迫左太刀魚既魚油出黎鏗魚加左生蒜同洋蔥，呢個味道好濃，洋蔥甜甜的非洲鮑魚配肝醬，鮑魚煮左三小時以上，所以非常容易咬開，鮑魚鮮甜，個人比較偏好直接食不加白飯·季節料理炸甘鯛配金橘蜜糖芥末汁，魚麟炸得非常香脆，好似薯片既口感，而魚肉依然好滑，加埋個汁好開胃，係成餐飯其中一個重點•壽司八貫深海池魚壽司加左小小蘿蔔蓉，簡簡單單，壽師飯無論溫度同醋味都剛剛好，師傅亦好細心問我地夠吾夠豉油同wasabi 汁燒北極貝壽司障泥烏賊壽司，師傅將烏賊切粒，令我地容易咬開，只係加左鹽冇落豉油的中段來個熟食，因為師傅知道我吾食蛋，所以將原本的茶碗蒸變成秘製醬油汁慢煮八爪魚，外面已經煮
我地叫左兩個set 勝 katsu $1680，呢到既環境好整潔，只有bar枱位置，師傅們都非常親切。
·
先付
白子面頭加左小小橙皮，口感滑，不過白子其實係魚類既精巢，但又真係好好食
·
刺身六款
真鯛用左小小鹽吊味，再加左蜜糖水同檸檬汁
蝶魚包住啲蔥，面頭放左柚子啫喱，呢個配搭非常清新
宮城帆立貝好厚身，食落鮮甜
太刀魚加左鹽、柚子皮、檸檬汁，師傅再燒左表面，迫左太刀魚既魚油出黎
鏗魚加左生蒜同洋蔥，呢個味道好濃，洋蔥甜甜的
非洲鮑魚配肝醬，鮑魚煮左三小時以上，所以非常容易咬開，鮑魚鮮甜，個人比較偏好直接食不加白飯
·
季節料理
炸甘鯛配金橘蜜糖芥末汁，魚麟炸得非常香脆，好似薯片既口感，而魚肉依然好滑，加埋個汁好開胃，係成餐飯其中一個重點
•
壽司八貫
深海池魚壽司加左小小蘿蔔蓉，簡簡單單，壽師飯無論溫度同醋味都剛剛好，師傅亦好細心問我地夠吾夠豉油同wasabi
汁燒北極貝壽司
障泥烏賊壽司，師傅將烏賊切粒，令我地容易咬開，只係加左鹽冇落豉油的
中段來個熟食，因為師傅知道我吾食蛋，所以將原本的茶碗蒸變成秘製醬油汁慢煮八爪魚，外面已經煮得非常軟，入面好煙韌入味
真鯖魚壽司，加左小小姜同蔥，好香魚油味，好正
牡丹蝦壽司配青檸汁，鮮味而且有種蝦膠質感
獅魚壽司配wasabi昆布
根子壽司，好重醬汁味
拖羅壽司，加左芥末籽，燒左小小邊邊既位置，魚油香到爆炸
·
吞拿魚手卷，紫菜超級脆，吞拿魚蓉既份量仲多過飯，勁滿足
·
A5汁燒熊本和牛，配日本青椒仔和炸蓮藕
呢道菜簡直係全晚既重頭戲，外表有小小脆入面係粉紅色的，食落係入口即化
·
豆乳蟹湯，好香蟹味，師傅話係用蟹殻整成的
·
甜品 日本蜜瓜配刀根柿
兩個水果都好甜好多汁，完美地為今晚的晚餐畫上句號
·
總括來說，全晚既野食同服務都好高質，亦食得好飽，係個好愉快既用餐經歷
張貼
