炭火地雞 (已結業)

呢間日式串燒店環境很雅緻簡約，店內燈光柔和，裝飾擺設都會呈現出日本傳統風格元素，以木質桌椅為主調，營造舒適氛圍，時刻都播著日本音樂，很有日本文化氣息。最近天氣好熱，我哋一到步就order咗兩杯飲品，特別推介🙌🏻菠蘿冰乳酸，酸酸甜甜，低糖口味，飲落非常清爽開胃。嚟到呢度梗係要order 雞嘅產品，雞翅串入口香脆，表面有海鹽，鹹鹹地，好惹味。免治雞肉棒，咬落多汁，沾上月見（蛋黃），更添滑溜！另一道特色菜係雞肝醬多士，多士燒得非常香脆，搭配濃郁雞肝醬，外脆內柔軟，口感豐富獨特，讓人感到驚喜！黑松露帶子燒賣相精美，帶子口感鮮嫩，燒烤火候恰到好處，黑松露味道濃郁醇厚，我哋都有encore！豬肉鵪鶉蛋黑豚肉包住鵪鶉蛋，豬肉口感鮮美，咬落有油香，兩者搭配讓味道更加豐富。雞湯面嘅雞湯，好似屋企啲老火湯咁正！食食下串燒又想食返啲菜👉🏻春菊水菜沙律，清爽可口，初初見到覺得有啲似芫荽，入口完全係另一回事，春菊水菜食落清爽，甜甜地，完全冇青草味！好fresh🫶🏻