鮨樂 (奧海城3期) (已結業)

呢日去咗奧海城呢間日本餐廳食lunch，餐廳既環境又大又舒適。餐廳有好多好吸引嘅丼飯可以選擇，仲有啲是日推介食物，有啲菜式係去到50% off，超抵食。今次點咗兩個丼飯，分別係特選海の幸丼同埋炙燒左口魚背丼。特選海の幸丼入面有海膽、帶子、蟹肉同埋三文魚子，全部魚生都好新鮮，海膽好肥美，入口味道鮮甜。炙燒左口魚背丼都好正，左口魚背帶點油脂，燒完之後好香，入口軟腍，正。呢間餐廳啲野食真係超高性價比，下次要試下佢啲是日推介先得！