鶴崎居酒屋 (已結業)

一直bookmark左哩間居酒屋既雲糖壽喜燒，今日係觀塘收工就同同事一齊黎試下。居酒屋既佈置相當用心🏮勁有日本居酒屋既感覺，仲要有啲好有特色既卡位。入到去一坐低，店員會先送一碟免費既芥末八爪魚，本身就咁叫要$38架！餐牌好大本，入面有好多選擇，所以我地揀左好耐😆最後揀左以下幾樣👇🏻☁️雲糖壽喜鍋（鹿兒島和牛） $268壽喜鍋上面有好似雲朵一樣既棉花糖，完全係打卡必選📸️一路煮既時候棉花糖會慢慢溶化，湯底既甜度亦會提升，鍋內既配料相當豐富，有豆腐、各種菇類、生菜同粉絲，煮得非常入味。重點絕對係碟鹿兒島和牛！雪花非常靚，入口肉質軟嫩，點埋佢比既蛋漿，滑溜可口，超好食推薦👍🏻🥩安格斯牛小排 $128牛小排既油脂分布均勻，入口充滿油脂香，而且牛味濃郁，唔需要點醬汁已經好好食。🐂牛舌 $38牛舌入口爽脆惹味。整體黎講，哩間居酒屋環境別緻，食物亦多選擇同高質素，係同朋友聚會傾偈既好地方。