令和鍋物酒場

營業中

休息中

一家充滿着日式裝橫嘅居酒屋，環境舒適，一大班朋友去好啱。食物嘅種類好多，有單點、有套餐，見到好多人食壽喜燒或者鍋物，不過今次就揀咗Reiwa海鮮桶，味道要咗芫荽味，醬汁味道唔會太濃烈，唔會蓋過海鮮嘅鮮味，最吸睛嘅係龍蝦，已經開咗半邊，食嘅時候好方便，肉質非常彈牙爽口。小食叫左燒和牛他他，上面有少許香氣濃郁嘅黑松露醬，牛肉味濃，加埋少少酸酸地洋蔥同埋醬汁，食得多都唔會覺得膩。第一次食帆立貝伴高知縣產柚子醋呢個配搭，柚子醋嘅酸味結合鮮甜嘅帆立貝，配搭幾特別。最後清酒生蠔必試，生蠔好大隻，加埋清酒嘅香氣，食得好滋味。