影片
更多
2023-05-08
18 瀏覽
好耐冇食日式拉麵，呢日經過新都城見到間主打日式拉麵嘅餐廳，仲標榜冇味精，一於入去食碗拉麵先。餐牌有幾款拉麵，包括魚介、味噌、黑蒜、蔥油同辛辣。價錢大約$88-$98，跟餐$128，已經包咗拉麵、小食、替玉同飲品，又幾抵食。點菜時仲可以根據自己口味，選擇拉麵嘅硬度。日本魚乾豬骨湯拉麵 - 據聞湯底係用四種鮮魚，加上秘製豬骨湯底煮成，唔怪之得未到咁濃郁啦。有兩片肥瘦適中嘅叉燒，仲有溫泉蛋。麵質彈牙，就算食到最後，麵質都唔會淋曬。博多黑蒜油拉麵 - 入口充滿黑蒜油香味，加埋蔥油同大大塊叉燒，口感層次非常豐富。麵質一樣彈牙好味，溫泉蛋煮得啱啱好。另外值得一讚，套餐入邊包嘅替玉，份量相當大，差唔多足一個麵嘅份量。小食點咗肉餃子，一客有五隻。餃子煎得香脆，熱辣辣，真心好味。餐飲可選多款汽水或熱玫瑰花茶，呢個套餐相當抵食。
好耐冇食日式拉麵，呢日經過新都城見到間主打日式拉麵嘅餐廳，仲標榜冇味精，一於入去食碗拉麵先。
餐牌有幾款拉麵，包括魚介、味噌、黑蒜、蔥油同辛辣。價錢大約$88-$98，跟餐$128，已經包咗拉麵、小食、替玉同飲品，又幾抵食。點菜時仲可以根據自己口味，選擇拉麵嘅硬度。
日本魚乾豬骨湯拉麵 - 據聞湯底係用四種鮮魚，加上秘製豬骨湯底煮成，唔怪之得未到咁濃郁啦。有兩片肥瘦適中嘅叉燒，仲有溫泉蛋。麵質彈牙，就算食到最後，麵質都唔會淋曬。
博多黑蒜油拉麵 - 入口充滿黑蒜油香味，加埋蔥油同大大塊叉燒，口感層次非常豐富。麵質一樣彈牙好味，溫泉蛋煮得啱啱好。
另外值得一讚，套餐入邊包嘅替玉，份量相當大，差唔多足一個麵嘅份量。
小食點咗肉餃子，一客有五隻。餃子煎得香脆，熱辣辣，真心好味。
餐飲可選多款汽水或熱玫瑰花茶，呢個套餐相當抵食。
張貼
