佐賀山田 (已結業)

依間日式任食燒烤或火鍋放題，新開一段時間，見佢裝修好精緻，想去食好耐，今日終於有機會。見到個餐牌，火鍋同燒烤都各有特色又多選擇....心大心細，最終揀左燒肉松放題 美國 SRF 安格斯和牛（120 分鐘）。 牛肉、豬肉、雞肉、海鮮、蔬菜各樣都有十幾款，坐低無幾耐已經送上一個牛肉拼盤，有美國高級既牛肉及和牛，雖然係任食都質素都非常高，唔馬虎，牛肉肉味香濃又有油香。 豬肉肥瘦均勻，味道都唔錯。雞肉就雞爽肉最有特色。 海鮮都好正，牛油焗蜆同生蠔，好新鮮又肥美，Encore 左幾次。另外牛油帶子都好味。值得推介既仲有甲羅燒，出面任食放題好少有得order, 燒蟹羔好香好鮮味。除左燒肉，仲有炸物order, 炸雞炸魚仔，即炸熱辣辣，味道唔錯。出面有各種飲品選擇都幾多，仲有前菜沙律同甜品。 日本雪條都有幾款，仲有雪糕。整體食物質素一流，服務員服務又好，地方干淨寬敞，好豐富滿足既一餐。