花木日本料理 (已結業)

有朋友係外國番黎，佢鍾意食日本菜，我唸唸下除左去放題之外，不如同佢去尖沙嘴試下啲高級既日式料理。我地去左花木日本料理。入到去裝修非常高檔，而且極具日本風。我地睇完個menu，發覺佢有唔同種類既野食，有刺身，卷物壽司，小卷，軍艦，燒物，和食，壽喜燒，飯麵同甜品等等。我地就叫左梅刺身 (4點) (HKD 388)，花木仲買人特選壽司 (HKD 398)，日式什錦蔬菜鍋 (HKD 288)同埋沖繩豚肉野菜炒麵 (HKD 118)。係等啲主食黎之前，我地有前菜食有黑松露豆腐，甜蕃茄同炸蟹仔，味道都唔錯。而梅刺身有蝦同魚刺身，賣相唔錯，食落去非常鮮甜美味。至於個特選壽司，多達12款。有魚，帶子，海膽，蝦刺身同玉子壽司。我個人比較鍾意帶子刺身，味道好鮮甜又啖啖肉。而佢既海膽有成隻手指公咁大多。 佢個味噌湯一啲都唔咸，好清甜。佢個什錦蔬菜窩有豆腐，生菜，菇類同蔥頭等等，湯底係味噌湯，又大份又健康。佢個豚肉炒麵味道唔錯，豚肉好稔，而且仲有椒同紫菜做配菜。