板神鉄板燒日本料理 (駿業街)

營業中

休息中

板神 打主鉄板燒及日本料理，午市性價比甚高，所以平日午市都全場爆滿，必須預先訂座！而家未有得去旅行，去食返餐靚嘅日式鉄板燒，真係會有去咗日本旅行嘅感覺！櫻．席前鉄板燒二人前我地選擇了美國牛肉薄燒$1080！二人餐非常豐富，包括有：前菜、時令沙律、時令刺身五款、銀雪魚、鐵板燒活南非鮑魚、美國牛肉薄燒、炒飯、煮椰菜、湯及甜品！仲送鉄板口活龍蝦一隻！前菜係粒粒明太子，鮮味突出，好醒神！時令沙律係龍蝦肉胡麻醬沙律，清新開胃！時令刺身5款分別有甜蝦、目張、深海池魚、赤身、炙燒金目鯛！款款新鮮甜美，好美味！鐵板燒活龍蝦 （每人半隻）龍蝦肉加入牛油及龍蝦膏煮成，濃厚鮮甜，令人回味無窮！勁正呀！銀鱈魚魚皮煎至香脆可口，魚身表面煎至金黃微脆，魚肉嫩滑多汁，外脆內嫩，令人一試難忘！鐵板燒活南非鮑魚鮑魚真係好新鮮，放上鉄板時仲會郁架！鮑魚爽口彈牙，好味道！美國牛肉薄燒牛肉薄燒上加入蔥花及炸蒜，再卷起，充滿牛肉香及牛汁，好惹味！炒飯炒飯粒粒分明，加入牛肉粒及蔬菜粒一齊炒，好滋味！煮野菜蔬菜中加入了許多櫻花蝦，有心思！湯麵豉湯加入龍蝦頭一齊，帶有龍蝦鮮味！甜品焦糖多士香脆甜美！迷你蛋卷口感鬆軟滑，又好味！