喜多嬉牡蠣屋 (已搬遷) 新店位置

餐廳面積雖小但裝潢充滿心思，門口及內部放滿同蠔有關嘅裝飾，整體感覺好和風。而餐廳主打生蠔全部由日本岡山縣北木島喜多嬉牡蠣養殖場直送，90分鐘放題（$498）入面可以任食生蠔、烤蠔、串燒及蠔製主食！頭盤 - 喜多嬉九品食放題會每人先上一個豐富頭盤，好靚好igable！🐚象拔蚌刺身： 薄薄一片好彈牙，味道鮮甜。🐚牡蠣刺身伴土佐酢啫喱： 生蠔好飽滿，質感好滑好creamy，食落帶微微海水咸味，配埋辣味蘿蔔蓉同酸酸地嘅醋啫喱，口感會多啲層次，亦無咁膩。🐚活燒白鰻魚：外層燒到少少脆身，魚肉幾肥美，擦咗醬汁所以味道甜甜地。🐚月見手工燒雞肉丸子：雞肉丸子幾紮實，入面有啲軟骨增加口感，配埋蛋黃汁加多層鮮味。🐚喜多嬉牡蠣茶漬飯：湯底滿滿濃郁蠔味，簡單但好食！❤️頭盤入面仲有野菜沙律、秋葵天婦羅及天婦羅紫蘇葉吞拿魚蓉，另外生蠔及茶漬飯都係可以再encore，其他不包括係放題入面，想食要另外單點。烤牡蠣 & 烤帆立貝烤蠔每隻都漲卜卜，收縮咗肉質仍然緊致，而比起生蠔，烤蠔食落會覺得海水咸味再重啲。而烤帆立貝大大隻好厚肉，味道都鮮甜。串燒串燒選擇大概有10款，即叫即整，比較意外呢度有七里香串燒，雖然好肥好邪惡，但