御石燒 (已結業)

好耐都冇食過日式石燒因為平時都唔係太就腳竟然俾我發現旺角新開咗一間餐廳嘅選擇都非常之多除咗有石燒之外仲有唔同類型嘅定食咁多選擇搞到我眼花撩亂最後都係揀咗石燒喺等待嘅過程中，留意到餐廳好貼心整埋呢個食用指示最後我叫咗御燒極上級黑松露吉列牛，紫菜味素飯+流心蛋+無糖可樂上菜嘅時候不禁心入邊哇咗一聲因為真係擺盤得好靚，同埋都感嘆個肉量都好多流心蛋整得非常之入味，蛋黃仲保持半流心口感好正飯素撈飯都係一個冇得彈嘅組合到主角嘅黑松露吉列牛黑松露嘅味道適中，唔會話特別出搶咗牛肉嘅鮮味吉列牛嘅處理啱啱好，炸完仲係一個超嫩滑嘅狀態真係輕輕放下燒下佢就已經好好味由於吉列牛嘅肉質都非常之好所以我亦都冇再點佢嘅醬汁我仲特登問咗店員，原來吉列牛係用牛板腱嚟整👍🏻相對脂肪就會更加少👍🏻就更加健康順帶一提，環境都闊落寬敞唔會好迫店員都非常之有禮貌，同埋好留意我個石燒係咪熄左，佢好主動幫我加返火值得一讚👍🏻