大澳德發 (已結業)

今次去左呢間主打大澳美食既餐廳, 見佢有好多選擇, 我地都有D選擇困難, 不過見隔離枱叫左個脆皮豬手同黃金滿屋幾吸引, 就叫左黎試.個脆皮豬手都真係冇得輸, 砌得靚靚上枱, 個皮真係脆到爆, D肉又好鬼淋, 成個餸好邪惡, 但停唔到口, HAHA。黃金滿屋, 又一熱氣之選, 咸蛋王炸鮮魷同墨魚咀, 食落個蛋黃好香, 粉唔厚, 魷魚彈牙, 墨魚咀有咬口, 超正。食左2個較重口味D, 我地叫返個龍躉帶子炒西蘭花, 海皇豆腐煲。龍躉帶子炒西蘭花, 龍躉都幾厚肉同幾鮮, 帶子都幾大隻同多, 炒得幾香幾好味。海皇豆腐煲, 都有幾多海鮮, 有蝦, 帶子同魚, 豆腐好滑, 微辣幾野味。另外套餐既例湯都唔錯, 夠哂濃夠哂甜。小菜整体質素好好, 又唔駛加一, 晚飯既好地方。