Tommy Yummy (元點)

營業中

休息中

今日試下泰國cafe，食咗幾道正宗嘅泰國菜，實在令人驚喜！第一道係金柚海蝦沙律，色彩斑斕，金柚果肉飽滿，配搭新鮮海蝦，酸酸甜甜嘅滋味即刻喚醒味蕾。而且，沙律上還有無花果，草莓，藍莓，羽衣甘藍，增加咗層次感，清新可口，非常適合夏天。然後試咗泰式炒通菜，通菜炒得非常火喉，保持住脆感，乾蒜香味夠足，簡單卻充滿泰國風味。每一口都好享受，完美得唔可以再完美。接下來，虎蝦海鮮混亂杯麵就更加驚喜！杯麵裡有多款海鮮，包括虎蝦、魷魚同埋青口，每一口都能嚐到海味，特別適合我呢個海鮮控。微辣，越食越想要，真係好滿足！再嚟係椰香青咖喱雞配薄餅，咖喱椰香味濃郁，雞肉滑嫩，完全吸收咗咖喱嘅精華，淋喺薄餅上，口感非常豐富。薄餅本身脆口，搭配咖喱雞，超級好味，令人一口接一口，意猶未盡。飲品方面，薄荷青檸蘇打清新解渴，飲落去好舒服，對於炎熱的夏天來說，真係一流。泰式玫瑰紅茶香氣四溢，清甜可口，飲完心情都好好。