泰聚 (已搬遷) 新店位置

今日難得早收工，當然要同朋友去食個晚飯聚下舊啦！咁啱朋友想食泰國嘢，行過太子，於是就入咗去呢間泰菜餐廳度食，裝修幾型㗎佢有一人火鍋，不過我哋都想食得清清地，所以就散叫一啲食物首先我哋order左一個柚子沙律，冇諗過係完個柚子上！味道非常清新，柚子亦都非常清香，而且果汁都好特別，完全唔覺得滯，仲好開胃！沙律入邊仲有蝦，非常彈牙！然後就到主菜啦！鹽燒烏頭，條魚非常之多肉，肉質鮮嫩，而且調味啱啱好，唔會過鹹！然後我哋都想食菜，但係又唔想食辣，於是就要做呢碟炒雜菜，啲菜非常之新鮮，而且仲有好多種類，最緊要係佢炒得好好食！我同朋友都想食椰汁糕，於是就叫左一返嚟試吓，椰汁味出，非常之清甜，絕對係完美嘅句號！食泰國菜又點少得飲椰青呢？大大個，清甜止渴，正！