花月宮 (已結業)

韓國街唔只得🇰🇷韓國菜，仲有一間性價比幾高嘅港式火鍋店～「花月宮」主打刺身及海鮮火鍋，提供多款特色手工丸類、高質肉類作火鍋配料，餐廳裝潢古色古香，另設獨立房間，私隱度高，適合家人聚餐或商務用餐。每日有各類限定精選海鮮供應，如南非鮑魚、蘇格蘭蟶子王、日本大扇貝、新鮮花甲皇、台山蠔等。湯底有多款經典粵式湯底，如藥膳花雕花膠醉雞鍋、椰子雞鍋、豬骨煲等。蕃茄濃湯海鮮鍋（$168）蕃茄濃湯唔算好濃郁，不過勝在鮮甜清新，除咗有蕃茄、菇菌、薯仔，海鮮仲有青口、蝦、魷魚等，材料豐富。⭐️推薦❗豬八戒玫瑰拼盤（$388）有齊日本北海道花豚豬肩、豬梅肉及豬腩片和新鮮豬頸肉，份量足夠2-3人share。最鍾意❤️豬肩肉，肉質柔軟而多汁，油香而不膩；豬梅肉則油脂感較輕；豬頸肉口感爽脆；豬腩片脂肪較多，紅白相間，但日本豚肉就是脂肪特別爽口，沒有太多油膩感。⭐️推薦❗風花雪月餃子拼盤（$168）原個精緻木架擺設上陣，有12粒餃子之多，包括鳳城水餃、重慶辣子雞肉餃、爽口鮮蝦雲吞、野菌黑松露餃、特色蛋餃、韭菜餃。餃子🥟自家包製，皮薄餡靚，最欣賞野菌黑松露餃，松露香十足！👍🏻鳳城水餃及鮮蝦雲吞鮮蝦爽彈！最欣賞重慶辣子雞肉餃，