酒燒弄 (已結業)

“和牛五花”($88)“雞腿肉/雞膝軟骨/雞皮/車厘茄煙肉卷”($28)“厚切牛舌心”($48)“芝士年糕”($42)“黑豚五花腩”($38)“豬頸肉冷拌蕎麥麵”($78)“青椒仔”($23)“水蜜桃梳打/荔枝梳打”($32)又又又去咗大角咀大全街搵食😆今次嚟咗呢間新開冇耐嘅港式串燒店酒燒弄呢道嘢食種類雖然唔係話算太多但勝在每樣嘅質素都好唔錯🥰和牛五花牛味香濃,同時富油脂香🐮燒到大約五成熟食落夠哂腍滑🤤牛舌心大大片又夠爽口😋黑豚五花腩燒到外層微脆肉嫩好正🤤雞類就叫咗雞腿肉,膝軟骨,雞皮🐔軟骨同雞皮超香脆好高質芝士年糕都係必叫🥰用紫菜包住燒到微焦嘅芝士年糕咬落去爆哂濃濃嘅芝士出嚟🤤青椒仔同車厘茄煙肉卷都喺水準之上🤩另外仲叫咗份主食豬頸肉冷拌蕎麥麵🐷豬頸肉加咗甜甜地嘅燒汁配上青瓜絲,泡菜,胡麻醬味道酸酸甜甜咁幾惹味😋飲品方面要咗水蜜桃同荔枝梳打味道清甜,邊食串燒邊飲好爽😝