胡爐 (已結業)

今日終於試咗想試好耐嘅胡爐。呢排天氣凍咗好多，所以叫咗呢個胡椒豬肚花膠雞湯做火鍋湯底暖下個身。個湯好足料，用咗好多花膠同雞去熬製，胡椒味辣而不嗆，未食之前都先飲一碗。由於唔係非常肚餓，所以冇叫到好多餸。如個你都鐘意食餃，個人極力推薦呢個XO鮑魚蝦餃王。入面啖啖彈牙蝦肉同埋鮑魚，好鮮甜爽口，但又唔會比XO醬嘅味道蓋過。肉方面由於我想試唔同部位，所以就叫咗呢個胡爐牛拼盤，入面有齊牛舌，安格斯肥牛片，牛頸脊，牛胸肉同霜降牛粒。油脂分布均勻唔會太膩，入口即溶。另外叫咗美國桶蠔，d蠔超大隻，每一隻都好肥美新鮮，好滿足。炸魚皮好鬆脆，薯粉雖然係幼身但好彈牙。最後叫咗一jar 竹蔗茅根配今次嘅火鍋，清熱又解喝。正！