契爺鮮入圍煮 (已改名) 查看

去咗紅磡嘅契爺鮮入圍煮，食材新鮮、湯底濃郁，可以一試。濃厚半隻雞煲花膠湯，$308呢個湯一上嚟已經香味四溢，雞湯鮮甜，雞肉嫩滑, 特別滋補。花膠有一大片， 口感滑溜，可以補充下骨膠原，非常滿足。本地手切肥牛，$398肥牛新鮮，涮一涮入湯之後，肉味濃郁，油脂分布均勻，滿滿嘅肉香，完全停唔到口。沖繩活水飼豚梅花卷，$238豬肉片夠薄，肉質嫩滑，帶少少天然嘅甜味，涮完之後入口即溶，唔會太油膩。招牌6寶拼盤 $138手打丸好彈牙，水餃雲吞粒粒飽滿，食落爽口。台山桶蠔 $208蠔肉好肥美，未煮之前已經覺得好吸引。輕輕涮幾下入湯，蠔肉熟得啱啱好，唔會過熟變韌，保持住佢嘅滑嫩口感，帶有天然嘅海水鹹香，蠔汁仲會喺口腔爆開，鮮味瞬間充滿味蕾。手打芝士鮮牛丸x 6 $98入口即有芝士流出，牛肉嘅彈牙配上濃濃嘅芝士香，有驚喜。鮮味肥鵝腸 $88鵝腸一上嚟，睇落去已經好新鮮，切得夠大條，呈現出一種晶瑩剔透嘅質感，睇見都已經流口水。涮鵝腸嘅時候一定要掌握好時間，輕輕喺滾湯裏面涮幾秒，唔可以煮太耐，煮得啱啱好嘅鵝腸，真係口感一流！靚淮山麵 $32個麵本身無乜味，索左個湯好好食，又有口感。 巨大手打香水檸檬茶，$2