牛魔 (已結業)

同朋友係TST搵野食，餐廳近地鐵站，都好易搵，座位闊落，店員服務態度好。西班牙黑毛豬五花豬頸肉套餐 呢個價錢性價比好高，有肉，有紫菜飯，飯上面仲有一個日本生蛋，用作拌飯用，仲有湯，沙律🥗同埋一杯野飲。豬頸肉係高質的豬頸肉，油脂分布平均，入口即融。西班牙黑毛豬用料上乘，脂肪燒到有脆卜卜口感非常之好，好惹味！牛五花.西班牙黑毛豬五花套餐 牛五花位置好靚，油脂分布好平均。燒到半熟口感就剛剛好。呢個都有五花肉，燒起拌飯食，加上蛋漿，真係絕配。麵豉湯唔會太咸，剛剛好。