影片
更多
2022-06-11
20 瀏覽
今日同朋友去咗間位於大坑嘅日式燒肉店，餐廳都幾隱世feel，位置又唔多，想嚟最好預先訂座。價錢都幾合理，食物種類又多。枝豆 - 前菜先來碗枝豆，個枝豆都幾新鮮，味道清甜。柑桔醋配海蜇- 呢個幾特別，海蜇好爽口，配埋柑桔醋，酸酸甜甜咁，越食越開胃。鱈魚魚竿 - 估唔到呢個魚竿嘅魚味幾重，沾上沙律醬真係一個唔錯嘅佐酒小食。深海池魚刺身 - 個刺身真係好鮮甜同彈牙，唔怕無味，值得叫。然後我哋嗌咗八件壽司🍣試下，有鯛魚、油甘魚、深海池魚、赤貝、銀鱈魚、大拖羅、赤身同三文魚籽。全部都係我嘅最愛😍 全部都好肥美、新鮮同鮮甜。我最鐘意係大拖羅同三文魚子。平時食大拖羅會覺得好肥膩，個脂肪位仲要咬唔開。呢個壽司完全冇呢個問題，肥美得嚟仲一啲渣都冇。三文魚籽大大粒，全部都好新鮮，仲有好多汁。之後就到主角燒肉喇！😍😍😍有和牛牛頂蓋、和牛三角嫩肉、牛頸脊、和牛厚切西冷、和牛厚切肉眼、和牛牛排肉同埋厚切牛舌。和牛就係入口即溶，牛脂味真係爆晒燈，肥瘦分明之餘一啲韌感都無。不得不提個厚切牛舌真係好有驚喜，真係堅厚切，仲要爽口彈牙，更加連一啲騷味都無，好難忘。鐘意濃味啲嘅可以試下點燒肉汁、味噌或者鹽，不過我就偏向咩調
價錢都幾合理，食物種類又多。
枝豆 - 前菜先來碗枝豆，個枝豆都幾新鮮，味道清甜。
柑桔醋配海蜇- 呢個幾特別，海蜇好爽口，配埋柑桔醋，酸酸甜甜咁，越食越開胃。
鱈魚魚竿 - 估唔到呢個魚竿嘅魚味幾重，沾上沙律醬真係一個唔錯嘅佐酒小食。
深海池魚刺身 - 個刺身真係好鮮甜同彈牙，唔怕無味，值得叫。
然後我哋嗌咗八件壽司🍣試下，有鯛魚、油甘魚、深海池魚、赤貝、銀鱈魚、大拖羅、赤身同三文魚籽。全部都係我嘅最愛😍 全部都好肥美、新鮮同鮮甜。
我最鐘意係大拖羅同三文魚子。
平時食大拖羅會覺得好肥膩，個脂肪位仲要咬唔開。呢個壽司完全冇呢個問題，肥美得嚟仲一啲渣都冇。
三文魚籽大大粒，全部都好新鮮，仲有好多汁。
之後就到主角燒肉喇！😍😍😍
有和牛牛頂蓋、和牛三角嫩肉、牛頸脊、和牛厚切西冷、和牛厚切肉眼、和牛牛排肉同埋厚切牛舌。
和牛就係入口即溶，牛脂味真係爆晒燈，肥瘦分明之餘一啲韌感都無。
不得不提個厚切牛舌真係好有驚喜，真係堅厚切，仲要爽口彈牙，更加連一啲騷味都無，好難忘。
鐘意濃味啲嘅可以試下點燒肉汁、味噌或者鹽，不過我就偏向咩調味料都唔落，咁先食得岀原汁原味。
張貼
