影片
更多
2018-09-15
48 瀏覽
Weekend想食個豐富嘅lunch~黎左喺尖沙咀鬧市嘅呢間伊賀日式燒肉放題。場內天花佈置左好多傳統日式燈，牆上有日本風格畫作，感覺似懷舊居酒屋~氣氛唔錯。大部份都喺獨立卡位，2個人坐得非常舒服，同隔離枱中間更有一塊隔板，私隱度頗高~坐低，店員先細心介紹用平板落單方法。菜式選擇多，用平板落單好方便，可以慢慢諗，又可以隨時加單唔駛叫staff.燒肉放題竟然有刺身叫左北寄貝，甜蝦，蟹棒，帶子同榮螺刺身。全部都好新鮮！好有光澤！榮螺同北寄貝幾爽口，甜蝦同帶子好鮮甜，好滑。蟹棒口感好好，唔會太淋。有我大愛嘅三文魚子壽司！叫左2件三文魚子加一件特級蟹盛軍艦壽司。三文魚子子好大粒卜卜脆。海鮮軍艦上面鋪滿左蟹肉，好有滿足感呀！最緊要紫菜仲係脆嘅，係壽司師傅新鮮整出嚟。燒肉有好多款式叫左牛舌，帶骨牛助肉，日式五花叉燒同埋伊賀一口牛。牛舌幾厚身, 咬落爽口, 口感唔錯。牛肋肉佈滿雪花, 食落陣陣油脂香味五花叉燒喺預先用日式醬汁醃製，好入味。一口牛燒完好方便食，一啖一粒好過癮~第二輪叫左黑椒牛仔骨，比利時五花肉，紅酒洋蔥豬肉片，手切哈姆豬大腸。牛仔骨有濃厚黑椒味，唔駛點醬都好正。五花肉薄薄一片好快熟，燒到
場內天花佈置左好多傳統日式燈，牆上有日本風格畫作，感覺似懷舊居酒屋~氣氛唔錯。
大部份都喺獨立卡位，2個人坐得非常舒服，同隔離枱中間更有一塊隔板，私隱度頗高~
坐低，店員先細心介紹用平板落單方法。菜式選擇多，用平板落單好方便，可以慢慢諗，又可以隨時加單唔駛叫staff.
燒肉放題竟然有刺身叫左北寄貝，甜蝦，蟹棒，帶子同榮螺刺身。全部都好新鮮！好有光澤！榮螺同北寄貝幾爽口，甜蝦同帶子好鮮甜，好滑。
蟹棒口感好好，唔會太淋。
有我大愛嘅三文魚子壽司！叫左2件三文魚子加一件特級蟹盛軍艦壽司。三文魚子子好大粒卜卜脆。
海鮮軍艦上面鋪滿左蟹肉，好有滿足感呀！最緊要紫菜仲係脆嘅，係壽司師傅新鮮整出嚟。
燒肉有好多款式叫左牛舌，帶骨牛助肉，日式五花叉燒同埋伊賀一口牛。牛舌幾厚身, 咬落爽口, 口感唔錯。牛肋肉佈滿雪花, 食落陣陣油脂香味五花叉燒喺預先用日式醬汁醃製，好入味。一口牛燒完好方便食，一啖一粒好過癮~第二輪叫左黑椒牛仔骨，比利時五花肉，紅酒洋蔥豬肉片，手切哈姆豬大腸。牛仔骨有濃厚黑椒味，唔駛點醬都好正。五花肉薄薄一片好快熟，燒到兩面都脆脆地咁好香。非常推介紅酒洋蔥豬肉片，淡淡紅酒香，再配洋蔥去醃簡直係絕配~ 燒豬大腸好特別，幾爽口。
除左肉類，仲有海鮮！虎蝦夠大隻，肉質爽甜。青口好鮮甜夠厚肉。另叫左少有嘅墨魚咀，細細咁唔會韌，好食！墨魚丸夠彈牙，好貼心咁已經切開一半容易燒。
炸物方面好出色多春魚咬落好脆，同海台味好夾，炸得啱啱好。酥炸杏鮑喺完全將啲汁鎖晒喺入面，一啲都唔乾 南瓜天婦羅炸粉幾薄，南瓜炸得夠淋我好中意~記得點埋天婦羅汁， 可以除去炸物油膩嘅感覺。
食得多肉，叫左啲蔬菜類中和下先。食左雞脾菇，茄子, 菠蘿同京蔥~ 牛油金菇好得意，有個鋁質嘅兜仔裝住黎燒，有一片牛油喺入面，金菇吸晒啲牛油汁香到不得了呀~
野飲方面每罐另加$8, 有好多道地出品嘅特別口味試左蜜桃烏龍茶同菊花綠茶都幾好味。另叫左極品烏龍茶呢度坐得舒服，一個價錢( $298 加一再有75折)， 集合左普通日式放題加燒肉放題嘅特式~ 值得推介~
張貼
