影片
更多
2020-11-23
5352 瀏覽
又嚟呢間燒肉食店啦! 第三次嚟食，因為真係高質啊~ 舖門外低調設計，門口入後經過走廊，見到啲間房。同同事兩個人食，獲安排卡位。驟眼望約坐到50人，裝潢以黑色為主，開揚坐位，唔逼夾。午巿套餐都有近10款選擇，嗜牛者望到都開心， 亦有豚肉及雞提供。點咗一客A5黑毛和牛赤身同一客九州產雞肉。落單無耐就送咗個飯SET。碟漬物有紅蘿蔔、荳牙、蓮藕片。三碟都醃到入晒味腍身，唔重酸味、少少甜味。抵讚蓮藕每厚薄一樣，腍得嚟仍然仲有啲爽口! 味噌湯重味噌味道，亦有好多蔥花、昆布。不過偏咸味濃，嗰碗並無豆皮、豆腐 (定本身係無?)沙律嘅拌汁係醋，整碟都好清新。生菜、菜絲都好爽口，亦唔會凍到啱啱喺雪櫃拎出嚟咁。主角嚟啦! 牛肉嘅鮮紅色配上白色脂肪，肥瘦適中，網狀形態好靚! 片片厚薄均一之餘亦都係有手隻手掌咁大片，未燒已經滴口水啦! 用咗芝麻及秘製醬汁醃製，落鐵板並無滋滋聲，基本上兩邊各30秒左右已經熟。肉片因為猛火快燒逼出肉汁油份，成片牛配埋小小甜醬汁，醬汁並沒嗆咗肉嘅味道，放入口即溶嘅感覺，油同肉汁喺口腔入面迴旋，輕咬幾口再暖暖地吞落去，真係無得彈，越食越開胃 ! 碗飯係正常一碗份量，圓圓粒嘅越光米/珍珠
舖門外低調設計，門口入後經過走廊，見到啲間房。同同事兩個人食，獲安排卡位。驟眼望約坐到50人，裝潢以黑色為主，開揚坐位，唔逼夾。
午巿套餐都有近10款選擇，嗜牛者望到都開心， 亦有豚肉及雞提供。點咗一客A5黑毛和牛赤身同一客九州產雞肉。
落單無耐就送咗個飯SET。碟漬物有紅蘿蔔、荳牙、蓮藕片。三碟都醃到入晒味腍身，唔重酸味、少少甜味。抵讚蓮藕每厚薄一樣，腍得嚟仍然仲有啲爽口!
味噌湯重味噌味道，亦有好多蔥花、昆布。不過偏咸味濃，嗰碗並無豆皮、豆腐 (定本身係無?)
沙律嘅拌汁係醋，整碟都好清新。生菜、菜絲都好爽口，亦唔會凍到啱啱喺雪櫃拎出嚟咁。
主角嚟啦! 牛肉嘅鮮紅色配上白色脂肪，肥瘦適中，網狀形態好靚! 片片厚薄均一之餘亦都係有手隻手掌咁大片，未燒已經滴口水啦! 用咗芝麻及秘製醬汁醃製，落鐵板並無滋滋聲，基本上兩邊各30秒左右已經熟。肉片因為猛火快燒逼出肉汁油份，成片牛配埋小小甜醬汁，醬汁並沒嗆咗肉嘅味道，放入口即溶嘅感覺，油同肉汁喺口腔入面迴旋，輕咬幾口再暖暖地吞落去，真係無得彈，越食越開胃 !
碗飯係正常一碗份量，圓圓粒嘅越光米/珍珠米，煲飯水份適中，飯粒粒粒分明有咬感，無變糊或過硬，仲要保留到米香味。
至於雞肉望落去份量唔到多，但實際都有成10片架， 每片有1/3手掌相若大小。經秘製醬汁配芝麻醃過。比起牛肉，雞肉燒嘅時間相對耐啲，兩面都要一分鐘左右多少少先熟。雞肉入口鮮嫩，同樣都鎖到肉汁及油份，爽口的。不過相對牛肉，雞油真係多咗少少。雞皮係重點，燒到脆口微焦，入口"索索"，酥脆! 順帶一提，雞肉沾醬汁會偏向濃味，蓋過咗雞肉嘅味，反而沾檸檬汁，感覺清新好多，去咗油膩感!
不過唔知係咪要趕住準備，侍應哥哥好快收走啲漬物碟，當然有禮貌地問你用餐完畢未先收啦。溫馨提示記得訂位準時到，WALK-IN真係無乜機會。
張貼
