52C Medium Rare (已結業)

好耐無食石燒肉，真係好miss 🥹 所以今日嚟到佐敦嘅一間日本餐廳，佢哋岀名有石燒同燒肉，咁我就梗係要試下佢哋個石燒。估唔到餐廳咁好生意，下午都接近坐滿。可以自己行去部機度去買，價錢合理，而佢哋嘅lunch set 都幾平～仲有得外賣燒肉返屋企，下次試下先！佢哋嘅套餐包前菜、飯同湯，更掋食。前菜係沙律湯竟然係一大碗好足料嘅羅宋湯下腰西冷套餐（$148）- 下腰西冷肉質爽口，有嚼勁得嚟又唔會韌。呈上時較生，但石燒會再燒熟啲牛肉，熟度就啱啱好，牛脂味豐富。封門柳套餐（$158）- 同下腰西冷唔同，封門柳嘅肉質較腍，仲非常嫩滑。不得不提個燒烤汁，配牛肉更惹味，就咁淋落啲白飯上面都好好食。