阿久根和牛立燒店 (已結業)

秋意起來，最啱就係同朋友去食烤肉。呢間燒肉店離旺角東站5分鐘路程，食完飯仲可以係附近行街好方便。餐廳面積唔大，但坐得好舒服。因為枱櫈寬敞，所以叫得多嘢食都唔驚，而且喺檯下面又有好大嘅地方擺袋。餐牌上主要係有牛肉，但都有豬肉。牛肉有好多唔同嘅部位任你選擇。為咗可以試下唔同部位，我哋叫一個燒肉套餐同一個牛涮鍋套餐。極尚和牛定食$168牛肉分別有A4肉眼、A4西冷、牛舌。跟餐仲有一個飯、湯、沙律、酸青瓜。A4肉眼油脂分布真係啱啱好。油脂味極香，但又唔會蓋過牛味，有入口即溶嘅口感。A4西冷口感具有彈性，但又唔會令人覺得咀嚼困難。牛舌既口感柔嫩彈牙，牛肉味與爽脆口感配搭一起，相當美味。 蜆仔麵豉湯湯入面仲有一粒蜆仔。味道唔係剩係得麵豉味，仲會品嚐到蜆仔既鮮味。阿久根和牛涮鍋$148有豐富既野菜，包括金針菇、娃娃菜、冬菇、洋蔥、大蔥、豆腐同埋粉絲，主食有烏冬。而肉類有前後胸腹肉、三角肋肉、A4肉眼。湯底係壽喜燒，加埋隻生雞蛋可以伴牛肉或者整糖心蛋。估唔到呢幾款肉就算係涮涮都可以品嚐到牛嘅油脂味同肉味。而且都係入口即溶。最後食緊烏冬完全吸入湯嘅味道。牛小排$148牛小排既雪花分佈已經好靚，無論燒耐d