CHiLL-i (已結業)

叫左一個lunch set ，包main course，沙律或者餐湯，一杯野飲。餐湯係蕃茄洋蔥湯。完全唔係罐頭，飲得出佢係焗左啲蕃茄之後再打成茸，飲嘅時候會食到蕃茄。蕃茄湯唔會好酸，飲到佢打成茸嘅時候加埋焗左嘅洋蔥。所以飲落去酸酸甜甜。香煎千層安格斯牛小排，薯仔沙律，杏鮑菇，黑茵汁$158 牛小排煎得啱啱好好，所以食落去唔韌。而且肉質好嫩，有油花，又冇根。加埋黑茵汁同時間食到牛肉嘅香味同埋黑茵嘅香味。加埋炸左絲嘅牛蒡一齊食就同時食到豐富嘅口感同埋香味。佢叫做千層安格斯牛小排因為佢將6-8塊牛小排搭埋一齊。旁邊嘅杏鮑菇煎得好靚，個面好平均咁樣上咗金黃色。同埋煎完之後仲保留咗菇嘅水份同鮮甜味。薯仔沙律好refreshing ，薯蓉裏面會有薯仔粒，紫洋蔥粒同埋青瓜粒，而且薯蓉打得好滑。薯仔沙律同黑茵汁好配，黑茵汁令到個set 好有香味，而沙律balance 左成個餐。叫左杯玫瑰花鮮奶咖啡。佢杯latte 好香玫瑰味，有好綿密嘅foam。食完lunch 飲返一杯latte 好滿足。