Coast Coffee

營業中

休息中

食完正餐之後唔太飽，終於有位可以一試呢間朋友推介係附近嘅cafe。裝修走文青簡約風，以白色做主調，配上木系家具同柔和燈光，比人一種乾淨俐落又溫柔嘅感覺。-🍞法式吐司配水果及忌廉 $78一邊係士多啤梨、藍莓、香蕉配上白色忌廉，一邊係啡色焦糖法式吐司，顏色上嘅對比已經好賞心悅目🧡法式吐司外脆內軟，外層焦糖甜而不膩，仲食到有雲呢拿香氣(?)忌廉帶有微甜奶味，配上感覺解膩嘅水果，整體配搭和諧啱口味🥰本來係為主角芝士蛋糕而嚟，但係呢個甜品非常有驚喜，一向唔好甜品嘅男朋友都讚不絕口，自己都覺得係喜出望外😆-🍰焦糖蘋果雙層芝士蛋糕 $55芝士嘅軟滑配上脆脆餅碎，加上焦糖蘋果微酸，口感豐富、層次分明，三者味道互相平衡毫無違和感，果然無令我失望🥰-總結：兩款甜品都係💯滿意，賣相與味道兼備，肥…都係聽日先減🤫。