鳥華亭

營業中

休息中

之前去日本一直想試下白雞湯，但行程趕不到，最後無去到。今日同朋友就去左灣仔的鳥華亭試下，六點未開場，門口已經有人等緊。餐廳以日式簡約設計，充滿日本風味。我地急不及待地叫左特盛雞白湯拉麵及檸檬拉麵，仲有唐揚雞。🌟特盛雞白湯拉麵（配直麵）賣相幾好，蘆筍和炸蓮藕片做配菜少見，當然第一口是飲湯先，湯頭濃郁，充滿濃濃的雞味，好足料，好味。麵條煮得剛好，有嚼勁，都掛湯汁。白雞肉的口感嫩滑，肉質清甜，非常好吃，最重要係低卡路里、較少脂肪。炸蓮藕片香脆，溫泉蛋十分流心，一口咬落蛋黃流心就係口腔內流出嚟，令人回味無窮！🌟檸檬拉麵（配曲麵）清爽的湯品，酸酸甜甜的味道好清新，幾創新的配搭。濃郁的雞湯和檸檬酸味，非常開胃。曲麵好彈牙，掛湯佳，味道同口感一流，更豐富！🌟唐揚雞外皮酥脆，咬下去，滾熱雞汁從雞肉中逼出來，好juicy! 加入洋蔥、檸檬調味，配以醬汁炸雞的風味增，口感非常棒。我最愛係白雞湯，每一啖都可以享受到雞湯嘅精華✨，價錢好實惠，仲有老闆的熱誠服務，好有心情味，令到我地食得好滿足，值得再來！