香港潮州商會會員俱樂部

營業中

休息中

又到星期日就係揾好野食嘅日子，今次慕名而嚟呢間香港潮州商會會員俱樂部，係一間度身訂造餐單嘅另類私房菜。今日夜晚食飯每個人預算大概$700（最低消費），師傅預早一個星期就問我哋想食乜嘢。佢都俾咗幾多我哋揀，我自己就比較鍾意以下食物，始終係屋企都好難整到潮州菜。前菜：蘿蔔醒胃，又切得薄，連前菜到我好用心機做。魚露浸花甲：魚露恰到好處，花甲又乾淨，街邊一定食唔到潮式滷水鵝三寶：重點——鵝肝，出街都係冇得食潮式紅燒魚翅：大量魚翅，不負眾望，正。傳統炸雙棗：蟹棗好食過蝦棗，建議食兩粒。煎封倉魚件：重點所在——街邊都係食唔到, 皮脆肉厚。潮汕煎蠔烙：略鹹朥泊春菜煲：罕有小菜系列，勝在冇乜味精，可惜份量太少，建議雙份黃金糖醋麵：好好食，感動。福果芋泥，清心丸綠豆爽：朋友各有喜好，兩款都符合期望。